Q: 你對於醫院家屬探訪安排有什麼睇法?
Cherry: 之前疫情冇得探病，醫院盡力配合，希望可以做到每個週末安排病人同家屬視像通話。依家疫情稍為緩和，探病開始放寬。有時因為人手安排，醫院只可以喺特定時間容許家屬探病。不過實際情況係，如果過咗探病時間想攞少少物資或者零食俾病人，醫護人員都會收嘅。
Sau Lan: 疫情前應該每日可以探訪兩個鐘，可以送食物同玩返自己個電話。其實喺醫院好悶，有朋友同家人探望梗係好。
Q: 精神科藥物會否使患者變得混混噩噩？ 是否所有藥物都有很多副作用?
Cherry:唔係每一隻精神科藥物副作用都會令病人渾渾噩噩。事實係，所有藥物都有副作用，例如平時食嘅必理痛都有，只不過係每個人身體反應唔一樣。所以護士其中一個職責，就係睇住病人對藥物副作用反應，然後話比醫生聽，等醫生決定調教藥物份量。
Sau Lan: 如果藥物較重，係會令病人動作較慢、身體僵硬、好食慾而導致肥胖、同覺得疲累。食左咁多年藥，有部分副作用已經適應了。我有嘗試過自己停藥，真係是瘦了，但後果係病發。宜家利用做運動和注意食物安排，食藥都可以瘦返。
Q: 病房內會有患者偷偷不吃藥嗎？
Cherry: 當然有。我會去了解點解佢地唔想食藥。例如有部分病人因為無病悉感（覺得自己冇病），我會教育佢地精神病病徵，希望佢地發現自己病發而做過嘅行為知道自己有病。就好似當我地知道自己傷風感冒後，為咗康復就會自動自覺食藥。另一部分病人係因為藥物副作用而唔食藥。例如有啲藥嘅副作用令病人食多左野。將心比心，有時候我自己肥一磅都會好介意，所以醫護人員會安排物理治療師同病人做運動，護士亦都會提供講座提醒病人要均衡飲食。我地係採用心理學 ABC model (A=antecedent 誘因, B=behaviour 行為,C=consequence 後果) – 先了解行為背後嘅誘因，之後就明白如何停止他/她做某種行為。例如病人唔想注射藥物 (B)，了解背後嘅原因 (A)，如呢隻藥會導致胖，而病人個好介意自己 body shape ，我地就睇下有無其他方法可以達到同樣嘅後果 (C)。
Sau Lan: 我聽過有啲病人可以做到，但我自己就未試過喺病房唔食藥。因為姑娘喺食藥後要求我擘大口檢查。
Q: 精神病房內有暴力事件嗎? 會如何處理?
Cherry: 的確有部分病人有暴力傾向，我地都會有護士加強觀察，有需要時會比佢地入 Seclusion Room（四面牆同地板都有 Cushion 墊住）冷靜一下。呢間房亦都會有閉路電視，等我哋可以觀察住，而 Cushion 係以免病人發洩嗰陣傷害到自己。
Sau Lan: 有， 我曾經見過一個院友，唔知道咩原因，只係見到佢大力咁將手臂撞向牆，結果手上的玉鐲子斷開而割傷，流左好多血。之後有幾位護士馬上去制止佢。
編者後記：
望著眼前溫文有禮，情緒穩定的Sau Lan，很難想像她曾經歷了那麽多反覆的挑戰；疾病讓她飽受苦楚，現在卻能如同訴說別人故事，井井有條地分享自身從中得到截然不同的成長。
今天慶幸她在天父、藥物、家人朋友支持及自身努力下，在復元路上累積無數的經驗和智慧。再－次感恩她願意以揭露自身黑歷史來鼓勵大家！
元路上，集結大家力量，－同結伴往前行。
Cherry Ng
我是一名註冊精神科護士，擁有超過三年臨床經驗和一篇學術論文發表。對於透過整體護理和以患者為中心的教育，我抱著濃厚的熱忱和使命感。我將所學得的研究知識、臨床技巧和溝通專長視為寶貴資產，並致力與醫療界的各成員一同攜手合作。
我追求的最終目標是提供讓患者獲得身心????上正向而積極的改變，我相信綜合治療方法和以個別化關懷為基礎的照護是達成此目標的關鍵。透過與患者及各成員環環相扣的緊密合作，我努力營造一個支持且尊重他們的環境，並與他們共同制定有效的治療方案。
另外，在透過與各成員及專家們共同合作從中的不斷學習和自我提升，我更加堅信自己能在這一使命中扮演重要的角色，並為他人的健康和幸福作出貢獻。
在工餘時間，我喜歡練習瑜伽、烹飪美食和與摯愛的小狗玩耍。這些活動使我能夠保持身心平衡並時刻充滿活力。
秀蘭/ Sau Lan
畢業於香港中文大學藝術系，現職朋輩支援員。基督徒，思覺失調復元人士。努力工作讓自己投入生活，利用藝術專長建立服務使用者對藝術的興趣。
大學時期病發，畢業後四年憑畫作「西貢午安」得視覺藝術獎。近年成就是成功減重。
